Contoh Kaulinan Asal Sunda Jawa Barat "GATRIK GANDONG"

Salah sahiji kaulinan tradisional asal Sunda anu hampir punah nyaéta Gatrik Gandong. Gatrik Gandong téh kaulinan asal sunda Jawa Barat anu boga mangpaat nyaéta kanggo kaséhatan, lantaran aya unsur olahragana sapertos ngagebot jeung ngagandong. Gatrik Gandong téh kaulinan anu pamaénna terdiri tina dua grup, masing-masing grup terdiri tina saurang atau leuwih nu ngagunakeun batu jeung awi kanggo prak-prakannana.

1. Pameran : terdiri tina dua grup, masing-masing grup terdiri tina saurang atau leuwih.

2. Alat-alat :
1) Nyadiakeun dua batu sagedé peureup, jajarkeun jarakna 30-40 cm (keur gawang).
2) Nyadiakeun awi meunang meulah panjangna kurang leuwih 50cm. Gunana keur paneunggeul.
3) Teras nyadiakeun awi hiji deui kurang leuwih 15cm.

3. Prak-prakannana :
1) Grup kahiji nyongkél awi leutik maké awi nu panjang sajauh-jauhna. Grup kadua néwak awi leutik anu dialungkeun. Lamun awi katéwak ku grup kadua, pamaen anu kadua ti grup hiji ngulang nyongkél awi leutik nepika grup kadua teu bisa néwak deui. Lamun teu ka téwak ku grup kadua, éta awi leutik kudu dibaledogkeun ngadeukeutan gawang anu geus disadiakeun. Lamun éta awi nu dibalédogkeun jauh tina gawang, jarakna leuwih jauh ti saukuran awi panjang kaulinan diteruskeun ka babak kadua.
2) Nyaéta awi leutik disimpen tina tungtung awi panjang terus awi leutik diajolkeun améh bisa dibabuk ku awi panjang. Lamun awi leutik teu katéwak ku grup kadua kaulinan diteruskeun ka babak katilu.
3) Nyaéta neunggeulan awi leutik bari nonggéng sajauh-jauhna lamun awi leutik teu kateungeul atawa jarakna saukuran paneunggeul pamaén kahiji ti grup hiji éléh. Diterukeun ku pamaén kaduana. Lamun pamaén kadua nenggeul éta awi jarakna deukeut éta kaulinan nepika dinya. Buruhannana anu grup kahiji digandong ku grup kadua nepika gawang nu tadi. 4) Saterusna kaulinan diganti ku grup kadua. Grup kadua maén sedangkeun grup kahiji kagiliran bagéan néwak awi leutik nu dipaénkeun ku grup kadua.

4. Mangpaat
Mangpaatna nyaéta kanggo kaséhatan, lantaran aya unsur olahragana sapertos ngagebot jeung ngagandong.